TRENDS

早學早美!多得這5枝推出,2018年又回歸唇彩懷抱了!

去年唇膏雄霸彩妝界,女生同一時間擁有三、五支唇膏一點也不出奇!不過踏入2018年,各大彩妝品牌的唇膏櫃突然開了剎車制,讓路給一支支唇彩軍團上架佈陣,多得以下這 5 枝推出的預示,即係話,2018年又回歸唇彩懷抱了!

另外,為了幫大家快人一步掌握本季的唇彩妝熱潮,時間關係,小編已幫大家準備好技術分析,讓各位一起早學早美!

東京彩妝潮流先軀 shu uemura,由原本 5 款原有 laque supreme 漆繪水亮唇彩 熱賣色調,一口氣增加多 11 款全新色調,唇彩家族人口一夜間增加至 16 款位成員,重槌出擊,好明顯是睇中唇彩會回歸大熱啦!

1

laque supreme漆繪水亮唇彩應用高科技研發,加入「shu red」紅染料及光感塗層聚合物,令唇彩顏色非常濃艷顯色,唔再係「閃令令」only! $230

Givenchy 呢支 Gloss Interdit Vinyl 禁忌之吻亮彩唇彩一出,我敢肯定又會被人掃貨掃到斷市+IG 瘋狂洗板!海綿掃頭設計成 G 字造型,so special,點可能唔搶支返來打卡扼like!除咗靚,據聞仲因為接觸面少了,唔止減少摩擦不適感,仲會搽得更加均勻!

3

小編都好想要,一齊在 3 月 15 日落鋪鬥搶吧!
Gloss Interdit Vinyl 禁忌之吻亮彩唇彩 $ 270
Gloss Interdit Révélateur 禁忌之吻水凝唇彩 $ 270

你有無試過而家好興嘅 Metallic 和 Matt 唇妝?每次搽完呢類唇膏,雙唇都有乾到想裂開的感覺!唔好以為滋潤度高的唇彩唇蜜做唔到 Matt & Metallic,因為 RIMMEL 已經突破推出金屬色系 LIP ART 閃幻炫彩透效唇蜜,keep到水潤同時,借助光線折射造出閃耀的光澤感,

5

RIMMEL LIP ART 閃幻炫彩透效唇蜜暫時得金屬蜜桃色、象牙白和玫瑰腮紅金3種金屬色系,$69 超抵玩!

至於 Matt 效果呢,就由 Sisley 負責引領呢個潮流!Sisley 一路都好熱賣的斑馬紋Phyto-Lip Twist 早在2016年已經出了啞緻色調,今年再加推多 4 款啞緻新色 #Ballet、#Drama、#Ruby、#Burgundy,由裸調粉紅到石榴紅,鐘意化咩妝都得啦。

2

Phyto-Lip Twist Matt植物閃漾唇彩筆啞緻色調含純色粒子,令色效更鮮豔,而質感就保持絲絨咁soft。$300

想提升唇彩的剔透感,可以試吓幻彩效果!RMK Lip Jelly Gloss 幻彩啫喱唇彩,4款新色當中小編最喜歡混和藍色閃粉的紫色唇彩,有種神秘的感覺。

4

RMK Lip Jelly Gloss 幻彩啫喱唇彩,質地像厚身的啫喱,用小匙狀的唇棒塗上去,好容易就畫到靚靚唇形。 $190

 

Charly Lam