STREET

大媽攻佔 Supreme、AJ 後,幾時到OFF-WHITE?

雖然 Supreme、Air Jordan (AJ)本身在高街時尚界(High-street Fashion)早已是殿堂王者,曾經(強調係「曾經」),見到你著我又著,毋需說話,一個眼神互掃對方件 box tee、hoodies後咧嘴一笑,即刻有種潮人惺惺相惜的默契。不過,多得 Louis Vuitton 及各方單位高調聯乘,本身潮人專屬的 Supreme 同 AJ,瞬間乾坤一開,三七氣流一轉,銷售市場無限擴大,勁過哥倫布發現新大陸!

大媽攻佔 Supreme、AJ 後,小編不禁在想,幾時到 OFF-WHITE?

OFF-WHITE

記得幾年前,打住斜紋間條及數字圖案旗號,挾住美國饒舌歌手 Kanye West 御用服裝顧問的旗號的 Virgil Abloh,由一個小小一次性推出的 Pyrex Vision 迷你系列開拓成人氣高街潮牌 OFF-WHITE ,當時,同 Supreme、AJ 歷史好相似,只在潮人界、名人界廣傳瘋搶,貴唔緊要,最緊要貨少,signature,潮人對碰,擦出你知我懂的火花,that's enough!

4

到近兩年,觀乎香港街頭,OFF-WHITE 突然之間普及了!那條 OFF-WHITE 長到拖地的搭帶,就好似 Supreme 的 Box Logo、AJ 的跳躍Jordan,老翻處處,copy 太容易,再加上鋪頭開下又一間,網上分銷商傾下又多一間,容易買到,認得>普及>賺錢 這條 formula,一向都是高街時尚鐵膽方程式(所以小編真心配服 Supreme 堅持限購的用心),今時今日仲講有幾多個真正懂品牌,真係好廢話。

1

在思索 OFF-WHITE 的種種鋪陳,企圖預測何時變大媽裝、Uncle裝之際,Virgil Abloh竟然不按牌理出牌,2018 春夏系列 無(乜)搭帶、無數字、無斜紋、無英文字,極其量得一個搶眼的雙箭頭小 Tag,發揮建築學碩士的美學功架,大玩不規則剪裁、物料及質感對比拼湊、立體剪裁等等,如像從高街時裝走入設計師品牌時裝之路,或者有人會覺得無咁「OFF-WHITE」,不過如果可以制止從上大媽/叔父之路的話,你又點睇?

2

3

 

Charly Lam